Gauhati University-i Tasile nem Honorary degree agütsütsü

Kohima, April 27 (TYO): April 28, 2017 nü Gauhati nung 26buba Gauhati University convocation alidang Nagaland nungi Kr. Tasile N Zeliang nem University-i Honoris Causa (Honorary Doctorate Degree) agütsütsü, ta tanü Raj Bhavan osang ka ajanga metetdaktsü.
Lai Nagaland nung shisaliok, saisapong, kaketzüluba aser loktiliba atema ariabelema meranga inyakba mapa tajung reprangteta Gauhati University-i la nem iba tetushi agütsü.
Nagaland aser Arunachal Pradesh Angh, P.B. Acharya Assan Angh aser Gauhati University Chancellor inyakba mapang nung pai University dang lenla balala nung nendaka inyakertem nem honorary degrees agütsütsü atema benoka liasü, aser tang mezüngsüa University-i 26buba convocation nung Honoris Causa (Honorary Doctorate Degree) agütsütsü, ta kasa osang ajanga ashi.
Mapangshia Acharya-i University tem dang loktiliba atema junga inyakertem mapa tajung reprangteta tapet tetushi agütsütsü ajungshia arur.