Gauhati University telungi BJP lennirtem maitdaktsütsü

Guwahati, January 14 (Agencies): Deobar nungi Gauhati University (GU) nung kaketshir teloki BJP MLA tem aser züngsemtem university campus telungi aittsü memelar.
Citizenship (Amendment) Bill magien tashi parnok university telungi maitdaktsütsü ta kaketshirtemi ashi.
Assam nung dang masü saka linük kübok tanga state tem nunga Citizenship (Amendment) Bill anema tesashiba lungkak aitba mapang ka GU nung kaketshirtemi iba telemtetba agiogo.
January 8 nü Citizenship (Amendment) Bill ya Lok Sabha nung agizük saka January 9 nü Rajya Sabha nungbo noktang.
Assam nungertemi iba Bill anema mapa tulu inyakogo aser Bill agiendaktsütsü atema mapa tuluba inyaktsü mulunga lir.
January 7 nü Assam nungertemi Parliament kima Citizenship Bill anema mangsa lungkak ait. Iba mapang parnoki Centre anema yimyim ayim aser tezülubatem amer lungkak ait.
Citizenship (Amendment) Bill anema lungkak aitba sayua Assam Agitation nung taküm bendanga agütsür kinungertemi award meyipa agütsütsü lemtet. 2016 küm Assam sorkari parnok nem award ji agütsü.
Assam kentener Zubeen Garg-ia Twitter nung BJP dang pai ken tentsüba ajanga BJP party-i votes anguba meyipa agitettsü asü masü ta asüngdangogo.
Zubeen-isa Twitter nung taoba Assembly election mapang BJP atema ken atenba meyipa agir ta metetdaktsü.