Gauri Lankesh tepsetba atema Sri Ram Sene züngsem ka apu

Bengaluru, Aami (June) 12 (Agencies): Karnataka police indang special investigation team-i Mongulbarnü arishi küm 26 tain tebur ka apu.
Iba nisung yagi taküm journalist Gauri Lankesh khaset asütsü akok ta temulung melemi bilemer.
Police-i apusangji Parashuram Wagmare lir aser pa ya Sri Rama Sene telok nung züngsem ka lir. Pa magistrate ka dangi anir aser iba sülen anogo 14 nü police ket nung ayutsü temelaba agütsü. SIT-isa pa den yariteper Sunil Agasara apu.
Wagmare ya Vijayapura district kübok Sindagi ta ser jila tila ka nungi lir aser pai mobile phone dokan ka lapoka liasü. Külen, Sunil jagi Sindagi nung süoshitem iron agütsüba mapa inyaker.
September 5, 2017 nü Gauri Lankesh lar kima khasetdang nisung ana aliba nung Wagmare ka liasü ta osang angazüker saka police-ibo iba osang kecha mashir.
September 5, 2017 nü nisung ana motorbike ka nung mener arur writer-activist Gauri Lankesh dak injang pezü tashi khaloktsü.