Gauri Lankesh tepsetba ken o nung SIT team-i nisung ka pua lir

Bengaluru (Karnataka), Metsüremi 03 (Agencies): Ita trok tejaklen Bengaluru yimti nung Kannada osangkaket ka nung yimobilem zülur, Gauri Lankesh tepsetba ken o dak sendakba nung arishi küm 37 tebur ka pua lir, ta police-i metetdaktsü.
Bengaluru nung osangbener den jembidang SIT Investigating Officer, M.N. Anucheth-i, “Asüngdangyatsü atema Karnataka Police, Special Investigation Team (SIT)-i Rogonü (Hokolbar) K.T. Naveen Kumar pua lir,” ta metetdaktsü.
Kumar ya Chikkamagaluru district kübok Birur jila nungi lir, aser ibaji Bengaluru nungi kilometer 250 shi pilar lir,” ta Anucheth-isa metetdaktsü.
Arishi küm 55, Lankesh ya “Lankesh Patrike” osangkaket yimobilem zülur liasü, aser yaküm September 5, 2018 nü mejangjaba nisung kari la lar kima khaseta liasü.
Iba tatalokba sülen state sorkari iba ken o bushisüngdangtsü atema Special Investigation Team (SIT) ka tenteta liasü.