Gay tem atema tongnüsen wako yanglutetsang Gilbert süogo

New York, April 1 (Agencies) : Alima rangben nung gay tem indang wako ta züngshiba ‘rainbow flag’ yanglutettsang America nunger artist, Gilbert Baker süogo. Pa arishi küm 65 liasü, ta pa den kanga anasatepa medemer aser LGBT temeten asoshi inyaker Cleve Jones-i metetdaktsü.
Pa Brihostibar aonung New York nung amoa aoba nungi mesak, ta osang ajanga metetdaktsü.
1978 küm San Francisco nung gay freedom day amungnü Baker-i sentsü ti (8) keta aliba sü ka pasasa ar-er bener aru. Pa arishi küm 20 shi asüba mapa nungi pai sü artsü angazüka liasü.
Tesüiba mapang sepai inyaka alisang, Baker ya San Francisco LGBT temeten asoshi kanga bendanga agüja inyak aser pa ya tangari tepsetsang politician Harvey Milk den kanga anasatepa medemer ka liasü.
“Ni temulung kanga shiranger. Alima nung kü tembar tajungtisang süogo. Baker-i alima nem tongnüsen wako agütsü; pai küm 40 tashi kü den pa temeim lemsatepa medem,” ta Jones-i Facebook nung post asü.
“Ni ajepba manenteter. Gilbert Baker, ni na teti meimtsü,” ta Jones-i post asü.