Gayatri nem temelaba magütsütsü: NCSU

Kohima, May 03 (TYO): May 03, 2016 nü Nagaland Contractors’ & Suppliers’ Union (NCSU) senden amendang, SARDP Project kübok Gayatri-i two lane road renema meyangluzük tashi Dimapur aser Kohima lenmang 4 lane yanglutsü atema Gayatri nem temelaba magütsütsü lemtetogo, ta tanü NSCU-i sangdong ka ajanga metetdaktsü.
Senden nungsa, Maytas & Gayatri (JV) nem kilometer 332 atema sen crore 1132 jenjang SARDP Project agütsüba sülen küm pongu tashi nung kilometer kata tembanga meinyakba ya Naga nungertem jakdaka mezüngmeshiba lir, ta bangjem.
Iba dak sentakba nung district 11 unit office ketdangpurtem dang peipei tesem nung local contractor temi azüoktsü/nokdangtsü tuyur, ta kasa sangdong nungsa metetdaktsü.