Gayatri, Sai na pre-quarters tongogo

Dutch Junior International

New Delhi, Metsüremi/March 02 (Agencies): Haarlem, Netherland nung tanga tasayadak Dutch Junior International badminton asayamung tebur kija asaya round of 16 nung India nunger Sai Charan Koya-i kanga dang shilem tajung agia asaya pai seed temaba nung alisang Indonesia nunger Syabda Perkasa Belawa madak takok ngua pre-quarterfinals tongtetogo.
Iba asaya nung Andhra Pradesh nunger Charan-i Belawa madak 21-11, 21-19 agi takok ngua tsükdaktsü. Tena tsüngda asaya minute 38 nung tembang.
Arishi küm 16 tain Charan den külemi India nunger Maisnam Meiraba Luwang aser Priyanshu Rajawat nati asaya Round of 16 nung takok ngua liasü.
March 02, 2019 Honibarnü tebur kija asaya nung Manipur nunger Meiraba-i seed 9buba nung alisang Spain nunger Ernesto Baschwitz madak 21-13, 21-16 aser asaya tanga ka nung Dhar nunger Rajawat-i Spain nunger seed 13buba Miguel San Luis madak 21-14, 21-12 agi takok ngua pre–quarter final tongtetogo.
Kasa asayamung tetsür kija asaya round of 16 nung arishi küm 15 tain India tsür Gayatri Gopichand-i seed 10buba nung alila Amy Tan madak 21-17, 21-12 agi takok ngua pre-quarters tongtetogo.
Ajisüaka, asayar Samiya Imad Farooqui, Smit Toshniwal aser Treesa Jolly nunger tia makai iba round nung tsüka liasü.
Tetsür tarep asaya nung Danes Natasja P Anthonisen aser Clara Graversen nati Treesa Jolly aser Varshini Viswanath Sri madak 10-21, 21-16, 12-21 agi tsükdaktsü.
Tebur tarep asaya nung India nunger tarep Navaneeth Bokka aser Vishnu Vardhan Goud Panjala nati takok nguogo.