Gayatris & Maytas-i mapang shitak nung mapa tembanga inyaktsüla: NCSU

Kohima, May 20 (TYO): Nagaland Contractors’ & Suppliers’ Union (NCSU) Head Office Kohima-i Nagaland nung SARDP phase-I Project yanglutsü atema telemtetba agia aliba nungi masetshir; SARDP phase-I Project nung- Mon- Tamlu-Merangkong lenmang, Longleng-Changtongya lenmang, Phek-Pfürtsero lenmang aser Chakhabama-Zunheboto lenmang lir, aser item lenmang ya Maytas’ & Gayatris (N)-i agizük aser parnoki M/S Ratna nem agütsüba mapaji tanga mapatong tasen magizükdang tembanga inyakmatsüla, ta NCSU Tatong Tir, K.L Setuo Rutsa aser Tezülur, Imsünok Jamir nati tanü sangdong ka ajanga metetdaktsü.
Kasa sangdong ajanga NCSU-i, “Gayatris & Maytas-i technical timtem lir ta tatemtsü mamtsüla, kechiyong iba project magizükdangyongi parnoki ibaji junga asadangogo. Anungji tangbo, technical timtem lir ta jembitsü madoker. Anungji Court Commission-i tuyuba ama company-i maneni mapa inyaktsüla aser lateta aliba mapang nungsa mapaji tembanga inyaktsüla, aji oda mesüra nüburtem atema NCSU-i teinyaktsü tim inyaktsü,” ta metetdaktsü.