Melbourne, January 18 (Agencies): Australia kübok Melbourne nung tang tasayadak Big Bash League (BBL) asayamong nung West Indies batsman, Chris Gayle-i par Melbourne Renegades telok asoshi ball 12 nung runs 50 yanglua India nunger Yuvraj Singh-i yangluba Twenty20 (T20) asaya nung half-century takaratiba mapang nung yangluba otsü menepogo.
South Africa nung England den asayaba World T20 asayamong tenzükba asaya nung Yuvraj-i Stuart Broad-i aonba over ka indang ball 6 nung six 6 ben tashi yanglua tekaratiba mapang nung T20 half-century otsüji yanglua liasü.
Gayle-i six 7 aser four 2 yanglua Yuvraj yangluba otsüji menepba sülen ajak agi runs 56 tashi tanü yanglu.
Gayle-i tanü ball 12 nung runs 50 yangluba sülen Tim Ludeman aser Chris Lynn nati ball 18 nung runs 50 yanglua yangluba BBL asayamong nung tekaratiba mapang nung half-century yangluba otsüa ajangteter lir.
You must be logged in to post a comment Login