GBs Association Tuensang-i Silent procession agi

Tuensang, Luchii/December 12 (TYO): India sorkar aser Naga nunger tsüngda tang yimtenren ken o tejembidak dak sendakba nung GBs Association Nagaland den tsüngkang medema December 12, 2018 nü Clock Tower, Tuensang Town nung Tuensang District GBs Association-ia “We want Soluion” yimyim nung ajemdaker silent procession ka agiogo, ta ketdangsertem osang ka ajanga metetdaktsü.
Tuensang District GBs Association aser office ketdangpurtemi Deputy Commissioner (DC) Tuensang, L. Jamithung Lotha nem memorandum ka agüja, tang yimtenren ken o jembiba nung RN Ravi leniba nung India sorkar aser Naga lenirtem na tsüngda inyaktsü mepishi.
Tuensang District GBs Association President aser Secretary Hongsai aser Lakiumong nati DC nem memorandum ji agutsü.
Parnokisa tongtibang kuli makai yimtenren ken o jembiba inyakyim anüa inyakba atema tesasaba lemsatepba den külemi India sorkar dang yimjung nung tekaratiba nung yimtenren ken o latettsü mepishi.