Gekko GX1 Hybrid Smartwatch sangdongogo

Aenjeti/January 03 (Agencies): India shishilembadak ‘smart wearable’ telemsa nung tokteptsü asoshi Sanzar Futureteq Private Limited-i tawa Gekko GX1 – Hybrid Activity Smartwatch sentsü tasen ana sayaba sangdongogo.
Gekko GX1 nung LED-Backlit display keta lir, iba denji külemi temang anepalutsü aser tsüngsang mopung osang metetdaktsütsü asoshi feature tem keta aliba angutsü. Tzü aser auyi nungi tekümzüktsü angutsü asoshi iba smartwatch nung IP (Ingress Protection) 68 inoka yanglutsüogo.
Tanga smartwatch aser smart band nung aketba battery den medemdangra, Gekko GX1 watch nung keta aliba battery arishji küm ka atema asütsü aser tanga device ama hopta shia charge asütsü menüngdaker.
Smartwatch ya mezüngbo Electric Blue aser Army Green sentsü nung sayaa liasü aser tang Sanzar Futureteq-i GX1 ya sentsü tasen ana – Slate Grey aser Desert Brown den sentsü tanak meyoktepba variant bendenloktsüogo.
India nung Gekko GX1 Hybrid Activity Smartwatch jenjang ya sen 3,999 asütsü aser watch ya sanzargroup.com/shop ajanga angutsü.