GeM Workshop Dimapur nung akatsü

Dimapur, Yimpoksüi/November 01 (TYO): Government eMarketplace (GeM) dak sendakba nung linük ajunga nung sentong agiyonga aoba nung shilem ka ama District Level Workshop ka anogo ananü atema Dimapur nung Yimpoksüi/Nov 13 aser 14 nü Commissioner of Taxes, Dimapur Conference Hall nung akatsü.
Iba sentong nung Government aser Non-Government Agencies, tejangrartemi maongka agia adentsü asoshi sentong ayongertemi sangdong ka ajanga metetdaktsüogo. Sentong ya anogoshia anepdang 10:00 ako nungi tenzüktsü.
Iba workshop nung talir aser tayoker (buyers and sellers) registration agitsüba dak rangloker inyaktsü, anungji tejangrartem ajaki registration atema teküboklen agüja aliba kuli kaket bener arutsü metetdaktsür:
1. Talirtem (Buyers): Aadhar Number, Mobile Number aser NIC-i (@gov.in/@nic.in) issue asüba Officials email id.
2. Tayokertem (Sellers): Aadhar Number, Mobile Number, Pan Card, GST Number aser email id.
Osang tejangjaba aginüra Mobile No. 9402680543 mesera email; finance-ngl@gov.in. ajanga tongteprateptettsü, ta DIPR sangdong ka ajanga metetdaktsü.