Gene Simmons’er ki L.A.P.D.-i bushisüngdang

August 21, 2015: Brihostibar nü Los Angeles nung tanur anojungi raksatsüba maparen nung Kiss kentener telok nung ken atensang Gene Simmons’er ki LAPD-i bushisüngdanga liasü. Ajisüaka par kibongibo iba dak sentakba nung kecha tai inyaka mali.

L.A. Times osang ajanga Hokolbar nü ashiba agi, Benedict Canyon nung aliba arishi küm 65 tain, rock ken atensang, Gene Simmons’er ki ‘Internet Crimes Against Children Task Force’ dak sentakba maparen temelaba bener oa bushisüngdanga liasü.

Gene Simmons aser par kibong dak iba maparen nung kecha temulung malem meliakasa par kidanga oa bushisüngdanga liasü.

“Iba bushisüngdang nung par kibong nungi shinga daka mulung malemba mali saka parnok ajaki LAPD pur den kanga amalitepa bushisüngdang maparen nung yaridar,” ta police ketdangser Mike Lopez-i ashi.

Police-i par kibong dang iba bushisüngdang indang shinga danga meshi alitsü mepishia liasü.

Ajisüaka police tebilemba kechi ibajibo ano tema adoka mashi.

NBC osang ajanga ashiba agi, 2014 küm Kiss telok kenten sentongtem agia senzüba mapang iba kidang iba amala aibelen kar inyaka aliba ajanga iba bushisüngdang akar.

Onok maliba mapang nung kari iba ama mapa tamajung inyakba angashia onoka kanga tsübur, ta Simmons kinüngtsü Shannon Tweed-i ashi.