General Bipin Rawat-i Nagaland semdanger

Dimapur, February 2 (TYO): Honibarnü Chief of the Army Staff, General Bipin Rawat-i Nagaland nung anogo ananü mungzüktsü atema Rangapahar Military Station, Dimapur tonga arua lir.
Iba mapang General Bipin Rawat-i northeast nung maparen reprangshimtsü, ta PRO Defence Col. C Konwer-i ashi.
General Officer Commanding-in-Chief Eastern Command Lieutenant General MM Naravane-i Army Chief pela agizük aser General Officer Commanding Spear Corps Lieutenant General Rajeev Sirohi-i pa nem osang sangoktsü.
Spear Corps-i North Eastern state tem nung Counter Insurgency operations inyakba den Arunachal Pradesh nung Line of Actual Control (LAC) nüka miter.
Spear Corps LAC nung mapa tajungba inyakba aser nübortem nem timtem magütsüi Counter Insurgency operations inyakba nung temulung asüba Army Chief Gen Rawat-i metetdaktsü.
Gen Rawat-i Spear Corps indang ketdangser aser sepaitem den ajurutepa sensaksem aser idangji parnok dang anibelem arema inyaktsü ayongzük.
Army Chief Gen Rawat-isa Kohima aser Itanagar semdangtsü sentong lir.