General election atema MCMC tentetogo

Kohima, February 04 (TYO): Kohima Deputy Commissioner aser DEO, Gregory Thejawelie, NCS-i sangdong ka ajanga, Nagaland nung taruba Parliamentary Constituency, 2019 General elections atema Media Certification and Monitoring Committee (MCMC) tentetogo, aser iba luden nung Chairman ji DC aser ARO Kohima asutsu; züngsemtemji Assistant Commissioner aser Nodal Officer EEM, Vineet Kumar, IAS (Member); IIS, News Editor AIR Kohima, Asonuo (Member) aser DPRO Kohima, Ruopfulenuo Huozha (Member Secy.) asutsü, ta metetdaktsü.
Kohima DC-isa, MCMC-i Certification of advertisement agutsütsü aser cable networks densema print aser electronic media ajak mita reprangtsü; iba denji külemi CD mesüra DVD nung record süa advertisements mesüra paid news den candidate aser yimtenren party tem dak sendakba osang ajak bendena ayutsü, ta metetdaktsü.