Gerard Butler-i ‘Angel Has Fallen’ nunga shilem agitsü

Los Angeles, October 27, 2016 : “Fallen” film tem, “Olympus Has Fallen” aser “London Has Fallen” sülen tang tasembuba shilem “Angel Has Fallen,” film nunga Gerard Butler-i itdangiter Mike Banning ama shilem agitsü.
Millennium Film-i taruba hopta American Film Market nung sale ka ayongzüka lir aser iba film atema production maparen 2017 küm mezüng ita trok tsüngda nungibo tenzüka aotsü tebilemba lir. Tang tashi nung shibai iba film direct asütsüar shima mali saka film indang script bo Creighton Rothenberger aser Katrin Benedikt nati züludar.
2013 küm Antoine Fuqua-i direct asüba “Olympus Has Fallen,” film agi alima rangben box office senteper sen million dollar 160 aatet aser taküm “London Has Fallen” film agi sen million dollar 195 tang nungi tera timba aateta liasü
Tan tasembuba shilem nung producer temji Butler, Alan Siegel, Mark Gill, John Thompson, aser Matt O’Toole nunger alitsü aser Avi Lerner, Trevor Short, Christine Otal aser Heidi Jo Markel nungeri exec produce asütsü.
“London Has Fallen” film Babak Najafi-i direct asü aser Rothenberger, Benedikt, Chad St. John aser Christian Gudegast nungeri zülu. Iba film nung Aaron Eckhart, Morgan Freeman, Alon Moni Aboutboul, Angela Bassett, Robert Forster, Jackie Earle Haley aser Melissa Leo nungeria shilem agia lir.
Asenoki Butler ya ano memunui “Geostorm” film nung nung angutsü, ta Deadline Hollywood osang ajanga mezüng metetdaktsüogo.