German Open: Srikanth o Kashyap na 2 buba round-i iogo

Mulheim an der Ruhr, March 02 (Agencies): India nunger badminton asayar, Kidambi Srikanth aser Parupalli Kashyap nati mezüngbuba round asaya nung takok ngua tang tasayadak German Grand Prix Gold asayamong tebur singles shilem indang 2 buba round asayatsü jenjang yasüng, Mongolbar aonung ajangzükogo.
Taküm January ita Syed Modi Grand Prix Gold takok marok agizüksang, Srikanth-i ghonda 1 shi nung points 12-21, 21-18, 21-11 ngua Japan nunger Takuma Ueda 1 buba round nung tsükdaktsü.
Tan asayamong nung 6 buba jenjang abensang, Srikanth-i Netherlands nunger Erik Meijis den 2 buba round asayatsü lemzükogo.
Kashyap-ia yasüng points 21-9, 21-9 ngua Ukraine nunger Artem Pochtarev madak takok anguba sülen Ireland nunger Joshua Magee den tanabuba round asayatsü lemzüka lir.
Külem sensopur, Sameer Verma-ia points 21-9, 21-8 ngua takok anguba sülen Korea nunger Lee Dong Keun den tanabuba round asayatsü jenjang nguogo.
Tebur doubles shilem nung Manu Attri aser B Sumeeth Reddy nati Britain nunger Marcus Ellis o Chris Langridge na den 2 buba round asayatsü lemzüka lir.

You must be logged in to post a comment Login