Germany & Netherlands külemi ataa lir

Euro 2020 qualifying

Dublin,Luchii/December 2 (Agencies): Taoba champions Germany aser Netherlands na Euro 2020 atema qualifying nung group ka nungi asayatsü lemzükogo, ajisüaka World Cup semi-finalists England pur atema iba asayamung atema qualify asütsü tasak masütsü.
Joachim Loew-i aniba telok ya Group C nung ano Northern Ireland, Estonia aser Belarus den asayatsü.
Group 10 prongla nungi temaba jenjang nung tembangba team ana Euro 2020 atema qualify asütsü, koba tang mezüngbuba continent ajunga nung tesem 12 tashi nung asayatsü.
Semi-finals aser final asaya Wembley nung asayatsü aser iba ajanga England nem maongka tulu ka agütsüogo.
Gareth Southgate-i aniba telok ya Group A nung Czech Republic, Bulgaria, Montenegro aser Kosovo den asayatsü.
England team linük pongungu agi kümtetba telok nung densemogo, kechiyong parnok Nations League tatembangbuba team pezü rongnung densema lir, koba Portugal nung taruba küm Aami/June nung asayatsü aser iba atema Tentonü draw asütsü.
World Cup koker aliba France team Iceland, Turkey Albania, Moldova aser Andorra den Group H nung lemzüka lir.
Kasa mapang nung Scotland pur atema qualifying ya melara masütsü kechiyong parnok Belgium, Russia, Cyprus, Kazakhstan aser San Marino den Group I nung lemzüka lir.
Manager tasen Mick McCarthy lenisüba kübok Republic of Ireland team Group D nung Switzerland, Denmark, Georgia aser Gibraltar den asayatsü.
Wales pur World Cup runners-up Croatia den Group E nung asayatsü lemzüka lir aser parnok den ano Slovakia, Hungary aser Azerbaijan densema lir.
Group F nung Sweden, Norway, Romania aser Spain lemzüka lir.
Iba asayamung ya 2019 Metsüremi/March nungi tenzüktsü aser final round Yimpoksüi/Nov nung tenzüktsü.