Germany: Steinmeier taruba Russia Tir kümdaktsütsü bangjemer

Berlin, November 14 (Agencies): Germany nung tentetba teloktep yimtenren telok nungi lenirtemi par taruba Tir kümdaktsütsütsü atema par foreign minister, Frank-Walter Steinmeier shimtsü bangjemba osang angazükogo.
Tan bangjemba ama, Steinmeier-i asangsang nung election nung takok ngua, Tir tasenba akümtsü temeten ngura, pai Joachim Gauck melenzüka, Germany madak kümsük 5 tashi yimsü asütsü temeten angutsü.
Gauck’er Tir menden abentsü kümsük 5 taruba 2017 küm February ita tembangtsü.
Germany Chancellor, Angela Merkel-i aniba Union bloc yimtenren telokia Steinmeier pusema nungitsü renemba osang sangoktsüogo.
Social Democrat yimtenren telok nungi yimsüsür, arishi küm 60 tain Steinmeier ya par Germany’er yimsüsür rong nung ajaki sapuba aser temulung lemtetba yimsüsür ka lir.