Germany yimsüsüri Russia taruba hopta semdangtsü

Berlin, September 16 (Agencies): Germany Economy Minister, Sigmar Gabriel-i shishilembar telok ka anir Russia semdangtsü renemba osang ka Kremlin otongdar, Dmitry Peskov-i tanü, Hokolbar nü metetdaktsüogo.
“Gabriel-i ozü Russia semdangdang ozü lenisang, Vladimir Putin-i pa den ajuruteptsü renema lir,” ta pai ashi.
Russia-i 2014 küm Ukraine ket nungi Crimea peninsula tashiyim agi agiba ken o nung ajemdaker West-i par linük anema tenokdangba sentong benokba aser Russia’er sen jenjang ajema akümba ajanga Russia aser Germany linük na tsüngda shishilembatsü tesendaktep mejungi akümba mapang ka nung Gabriel-i Russia semdangtsü sentong renemer lir.
“Germany vice chancellor menden abensang, Gabriel-i Moscow yimtiba tan September ita 21-22 nü tashi semdanga Russia yimsüsürtem aser Russia nung tentetba Germany shishilembartem den ajuruteptsü sentong renemogo,” ta Germany Economy Ministry-ia tanü sangoktsü.
“Tan Gabriel-i Russia semdangba ajanga Russia aser Germany na tsüngda shishilembatsü tesendaktep tajungba akümtsü imlar,” ta ministry-i shisem.