Ghonda 24 tsüngda Katrina followers mn. 1 ajung

Mumbai, April 29 (Agencies): Bollywood actress, Katrina Kaif-i Brihostibarnü tang mezüng Instagram lapokba sülen ghonda 24 tsüngda nung followers million ka jungogo.
Jagga Jasoos actress, Katrina-i taoba küm la asoba anogomung nung Facebook account lapoka liasü, aser yashi lai Instagram account lapoka la indang noksa asem lemsatepa liasü.
Instagram nung lai mezüngbuba zülubaji, “ozü kidang nungi tasen tenzüker … #helloinstagram” ta lemsatep.
Ano külen tanga osang ka ajanga ashiba agi, actress, Deepika Padukone indang ‘Raabta’ ken sayaba anogo nung Katrina Kaif-i Instagram account tenzükba ajanga Deepika-i la dang mepelar.
Deepika’er medemer kati, “Raabta ken sayaba anogo nung Katrina-i la Instragram tenzükba ajanga Deepika’er teloki tera mepelar. Ajungbenabo parnoki ken sayatsü anogoji memelenshitet. Ajisüaka iba tatalokba ajanga Deepika densema Raabta telok tejangraba makai kümdaktsü,” ta ashi.
Deepika aser Katrina na tsüngda tensendaktep kanga jungabo mali aser taoba mapang nunga tena tsüngda mepetmesü aiben adokogo.
Sanjay Leela Bhansali indang film ‘Padmavati’ tangokba nung tang Deepika-i shilem tagidak lir aser la Cannes Festival 2017 nunga adentsü. Ano külen tang Katrina-i ‘Tiger Zinda Hai’ film nung Salman Khan den shilem tagidak lir.