Ghosal Colombiano Squash final tongogo

Bogota, August 08 (Agencies): India’er temaba jenjang nung aliba squash asayar, Saurav Ghosal-i Colombia nunger Miguel Rodriguez semifinal asaya nung tsükdakja tang tasayadak Albierto Colombiano squash asayamong final-i yashi Hokolbar nü iogo.
Ghosal-i yashi minute 101 nung points 11-8, 12-10, 7-11, 4-11, 12-10 ngua temaba jenjang nung alisang, Rodriguez madak takok angu.
“Ni Rodriguez ama asayar mongin ka madak takok anguba atema kanga dang pelar. Ni final asaya nunga takok ngua ozü linük nem konang bener arutsütsü merangtsü,” ta tang asayamong nung 6 buba jenjang abensang, Ghosal-i tesülen metetdaktsü.
Ghosal-i Britain nunger Peter Barkar madak tanabuba semifinal asaya akoksang, Mexico nunger Alferdo Avila den final nung ajuruteptsü.