Ghosal-i Asian Championship Squash nung shilem magitettsüsa akümer

Chennai, April 28 (Agencies): India nunger tongti squash asayar, Saurav Ghosal yirua squash masayatettsüsa akümba yong India’er tebur squash teloki Asian team championship asayamong nung takok mongutettsüa jenjang tamajung ajuruogo.
Asian championship asayamongji Chinese Taipei nung taruba May ita 11-15 nü tashi asayatsü ayonga lir.
Taoba March ita ayonga asayaba British Open asayamong nung Ghosal tetsüng yirua liasü aser doctor-temi pa dang hopta 5 shi anisüngzüktsü tuyua lir.
Squash Rackets Federation of India (SRFI)-ia Ghosal yiruba osang agizüka, pa melena Velavan Snethilkumar shimba osang jangjaogo.
U-19 national champion, Velavan-i yaküm, 2015 küm Samoa nung ayongba Commonwealth Youth Games nung medal 2 tashi agizükba osanga jangjaogo.
Ano külen, Joshna Chinappa aser Dipiak Pallikal na densema, tetsür tongti squash asayartemia kasa asayamong nung toktepa shilem agitsü terenemshiba agitsü tenzüka lir.