Ghost Draft nung Chris Pratt anioktsü

Tsüklai/February 14 (Agencies): Sci-fi film ‘Ghost Draft’ nung actor Chris Pratt-i director Chris McKay den longjemtsü ternemba lir.
Arishi küm 39 tain Pratt shibai ‘Lego Movie’ aser ‘The Lego Movie 2: The Second Part’ nung McKay den külemi inyaka liasü pai ano McKay den longjemtsü atema mulungtetogo. Kasa mapang Zach Dean-i film atema otsü zülutsütsü, ta The Hollywood Reporter ajanga metetdaktsü.
Project atema Adam Kolbrenner aser David S. Goyer nati producer inyaktsü. Tena den külemi Skydance atema Dana Goldberg aser Don Granger nati achaayangtsü aser taküm küm tsüklawa mongpu nungi iba film tangok tenzüktsü imlar.
‘The Lego Movie 2’ nung Pratt-i Emmet Brickowski aser Rex Dangervest atema ola aguja shilem agiogo.