Ghouta nung Syria sepaitemi tesashiba amaker

Beirut, Metsüremi 10 (Agencies) : Telungpurtemi amokbanger aliba Ghouta anüdoklen tsütsü tesem tiyongtsü ka nung Syria sepaitemi tesashiba makyonga odar, ta tanü Küptoknü state television ajanga sangdongogo.
Kasa television osang ajanga ashiba agi, sorkar sepaitemji Mesraba aser Mudeira jila tonga odagi.
Eastern Ghouta nung telok tuluba anaji Jaish al-Islam aser Failaq al-Rahman lir aser parnoki ashiba agi, tawa anogo ishika tsüngda parnokia sepaitemji kadangtsü meranger aser iba mapang parnok ket nungi atsüdoker aliba tesema karbo tanaben meyipa agiogo.
Damascus anasa sorkar anemertemi amokbanger aliba tesüsaba tesem temeketlenji hopta asem songtema kanga sashia amaker, ta tongpang tsüngsü nepa anidaker kati metetdaktsü.
Britain nung amenoka aliba Syrian Observatory for Human Rights teloki ashiba agi, yasüng nungi tanep tsüngda amakdang tongpang nung amshiba tayimtsü, helicopter aser artillery amshia amak.
Osang ajangasa ashiba agi, February 18 nü nungi tenzüka Russia nungeri nungitba sorkar sepaitemi amakdang civilian 950 shi tepsetogo.