GHS Longchem-i HSLC tatidang nung 100% takok angu

Dimapur, May 16 (TYO) : Mangkolemba Sub Division kübok Government High School Longchem lapoker küm 40 den tema arudang tan mezüng atema HSLC tatidang agütsür kaketshirtem ajaki takok angu.
Iba dak sendakba nung SDO (C) Longchem, Alem Longchar-i May 13, 2016 nü school semdang aser tesayurtem den kaketshirtem ajak nem tenüngsang agütsü.
Science tesayur meliaka aser ano school kiojen mejungi lia tesayurtem aser kaketshirtem item tetsükdaktsü ajak kokteta konang bener arutsüba atema Alem Longchar-i pelaba metetdaktsü.
Paisa, maneni tesayurtem aser kaketshirtemi alizüng ka ayutsü aser otsü tajung yanglutsü atema pei tajungtiba agüja merangtsü, ayongzük.
Government High School Longchem ya 2018 nung küm 50 jubilee mung amungtsü.