GHSS Naginimora nung ‘World Population Day’ amung

Dimapur, July 26 (TYO) : July 11, 2015 nü Government Higher Secondary School, Naginimora nung class 9 nungi 12 kaketshirtemi ‘World Population Day’ mungogo.
Iba sentong ya SCERT aser NPEP, NCERT, New Delhi den külemi liromedema amung, ta GHSS Naginimora principal, L Tiameren Longkumer-i sangdong ka nung metetdaktsü.
Sentong nung mendenji class 9 kaketshir Manwing liasü aser tesayur Chincang-i temoatsü meshia sarasadem. Class 9 kaketshirtemi ken ka aten aser class 10 kaketshirtemi jilushi ka sayu.
Sentong nungsa Alemla Bhaumick PGT aser class 11 kaketshir Manchen nati population control indang onük jembi aser tatem nung Tangpa, Duftry-i tenüngsang agüja sarasadem.