Gifty Jami-i India tenüng nung World Nomad Games nung shilem agi

Kohima, Rongjui/Sept. 11 (TYO): Nagaland nungi Mhayibeni Gifty Jami ya Naga nunger saisaponger rongnung India tenüng nung VI World Nomad Games nung Intellectual Strategy Games category nung mezüng shilem agir kumogo, koba Issyk-Kul, Kyrgyzstan nung August 31 nungi September 6, 2026 tashi liasü.

Jami-i Toguz Korgool nung shilem agi, koba traditional Central Asian board game ka lir aser yangji lai Turkey, Morocco, Mongolia, United States, Sweden, Malaysia, Cabo Verde aser Burundi nungi arurtem den toktepa liasü.

La individual competition nung jenjang 27 buba nung tembang aser jenjang 17 buba nung tembangba Indian team nung la dena liasü. India ya South Korea den kasa jenjang nung tembang, kong linük 48 nungi saisaponger 133 arua shilem agi, ta All India Traditional Wrestling & Pankration Federation (AITWPF) tir Omar Mukhtar Tamboli-i sangdong ka nung ashi.

Intellectual Strategy Games category nungya Toguz Korgool, Mangala aser Oware densema traditional board games tem liasü aser iba tetoktepba nungya shilem agir indang tasa, temulung agütsüba, calculation, precision aser telemtetba agiba tendanga liasü.

Jami-i shilem agiba ya Nagaland asoshi mezüngbuba alitsü, aser India tenüng nung World Nomad games nung Intellectual Strategy Games nung shilem agir Naga nunger mezüngbuba alitsü, ta pai ashi.