Giggs-i Manchester United toktsütsü

London, June 30 (Agencies): Welsh nunger Ryan Giggs-i küm 29 tashi Manchester United asayar aser coach ama shilem agiba sülen United telok toktsütsü lemtetba osang ka tanü, Brehostibar nü metetdaktsüogo.
Arishi küm 14 tain aliba mapang nungi tenzüka, United telok tenüng nung asaya 963 tashi nung shilem agisang, Giggs-i taoba United coach, David Moyes aser Louis van Gaal na kübok teyariteper coach ama tongti shilem agia aru.
Ajisüaka, United manager tasenba, Jose Mourinho kübok tenzüktsü asoshi memulungi Giggs-i United telok toktsütsü lemtetba osang ka Daily Mail osangi metetdaktsüogo.
Ano külen, Mourinho-i  taruba Hombar nü nungi tenzüka United telok coach inyak tenzüktsütsü renema lir.