Gigi Hadid aser Zayn Malik na pilaogo

Los Angeles, June 3 (Agencies) : Model Gigi Hadid aser kentener Zayn Malik na ita tenet tashi medema aruba sülen pilaogo, ta osang kar ajanga metetdaktsü.

Calvin Harris aser Taylor Swift na ita 15 medema arur pilaba osang sangdongba sülen anogo ka lir külen Gigi aser Zayn na osang yimjak nung prokshiogo.

Taoba One Direction züngsem Zayn aser Gigi na tesentaktep nung mangatettep kar adokba sülen pilar, ta E! News aser TMZ osangtem ajanga metetetdaktsü.

“Gigi tasoba anogomung nung tena raratep. Taoba mapanga tena pilali ano tanaben meimtepli ta sa aru” ta osang ajanga shisem.

HollywoodLife osang ajanga ashiba agi, Gigi küm 21 ajungba anogo amungba sülen tatsüka lir külen Zayn-i pila.

Taoba mapanga Zayn-i Perrie Edwards den meimtepa liasü, saka tena yaküm August ita nung pila.