‘Girl on the Train’ film October 2016 nung sayatsü

October 28, 2015: Actress Emily Blunt aser Rebecca Ferguson nati tongti shilem agiba film, “The Girl on the Train 2016 küm October 7 nü US nung sayatsü. Iba film ya novel ka nung ajemdaker yangluba film lir.

Actor aser film yanglur Justin Theroux-i DreamWorks’ film nung Chris Evans melentsü jembidagi. Iba film nung Jared Leto, Haley Bennett aser Edgar Ramirez nungeria shilem agir, ta Hollywood Reporter osang ajanga ashi.

Arishi küm 32 Blunt-i yi jemer tetsür ka shilem agir. La kinungbu den balar aliba mapang la train nung senzüdang kika nung tetemjen tetsür ka aser tebur ka na anguba ajanga la ajungmesor.

Ajisüaka nisung tepsetba tatalokba ka lai anguba sülen, la-a iba ken o nung dena alitsü südi ta lai bilemer.

Arishi küm 44 Theroux-i Blunt mezüng kinungbu Tom ama shilem agir. Paula Hawkins’ indang nüngtugu novel ya taküm January nung saya-a liasü aser US kija nunga iba novel million 3 yokogo.