Glastonbury 2017 nung Katy Perry aser Biffy Clyro nungeria shilem agitsü

Pilton, March 30 (Agencies): Taküm küm Glastonbury kenten benjong nung shilem agitsü asoshi Ed Sheeran, Radiohead aser Foo Fighter nunger tenüngtem tamalen sangdonga liasü. Iba kentenba benjong nung shilem agitsü asoshi ano kentener aika tenüng Brehostibarnü agütsüogo aser item rongnung Katy Perry aser Scotland nungi rock ken atener, Biffy Clyro nunger densema lir.
Tamalen nüburtemi kanga sapua aliba kentener aika iba kenten benjong nung shilem agitsü lir. Item kentener tejen rongnung Bee Gee telok nungi Barry Gibb, Madness, Lionel Richie aser Dolly Parton nunger lir.
Iba sentong nung The Jackson, Chic aser Kris Kristofferson aser Can Project nungera shilem agitsü.
Taküm küm tiyonglen tanabuba kensep sayatsü alila, Lorde-a iba Glastonbury 2017 nung Laura Marling, Warpaint, Solange Knowles, Emeli Sande, Haim, Goldfrapp aser First Aid Kid nunger den külemi shilem agitsü.
Taküm Glastonbury kenten benjong ya Worthy Farm nung June 21 nungi 25 tashi agitsü aser iba sülen 2019 nung agitsü.
Iba benjongmung nung kentenba kisüng masü saka asayamenü tapu balala, tsüngsangba, circus aser theatre nungera agitsü. Iba benjongmung ya alima nung benjongmung tulutiba ta nisungtemi jembir.