Global Citizen Festival India takok ngua agiogo

Mumbai, November 20 (Agencies) : November 19, 2016 nü Mumbai nung aliba MMRDA grounds nung Global Citizen Festival India takok ngua agiogo.
Iba kenten sentong nung British rock band Coldplay aser parnok kentener Chris Martin ajanga tongti shilem agi.
Coldplay-i AR Rahman den külemi ‘Vande Mataram’ ken tena sentong tembangba ajanga tereprangertem kanga süngmangdakja liasü.
Coldplay-i Paradise, Viva La Vida, Yellow, Fix You kenten aten aser Chris Martin-ia Karan Johar’er film “Ae Dil Hai Mushkil” nungi “Channa Mereya” ken aten.
Kenten sentong tenzükdang Shah Rukh Khan, Sachin Tendulkar aser Frieda Pinto nungeri Chris Martin tejak shiyuba mapang agi.
Bollywood nung taküm atema sentong tulutibaji Global Citizen Festival India 2016 liasü kechiyong iba sentong nung Bollywood celebrity nüngtugutem aser international artists temi shilem agi.
Bollywood nungi tongtipang nisungtemji Amitabh Bachchan, Alia Bhatt, Ranveer Singh, Katrina Kaif, Sonakshi Sinha, Parineeti Chopra, Monali Thakur, Arijit Singh, Arjun Rampal aser Suzanne Khan nungertem liasü. Talisa, Maharashtra Chief Minister Devendra Fadnavis-ia sentong nung aden.
Arjun Kapoor aser Parineeti Chopra nati sentong lapokba osang metetdaktsü aser kentener Arijit Singh-i “Ae Dil hai Mushkil” den tanga kentem aten.
Amitabh Bachchan-ia India tsür tushiba aser tebur-tetsür kasa ta asüba sangro ka azüng aser iba sülen Shillong Chamber Choir den pai külemi shilem agi.
Sentong nung actress Vidya Balan-i kima nung metsümeshiba, tzü temerük aser temang merüka ayuba indang onük jembi aser Sonam Kapoor-i sustainable development onük ajanga lanurtem ayongzük.
American rapper Jay Z-ia Bounce aser AR Rahman’er “Chaiya Chaiya” kensü meyoktepa ken aten. Paisa ‘We gonna run this town tonight’, ’99 Problems’, ‘In Paris’, ‘Drunk In Love’ aser Punjabi MC collaboration ‘Beware Of The Boyz’ kentem aten.
Iba sülen Ranveer Singh-i sabang nung “Malhari” aser “Nashe Si Chad Gayi” kentem nung tsüngsang.