GMS Senkalemba nung disaster management training katsü

Mkg HG&CD, District Commandant, Watilemba densema GMS Senkalemba Arkong nung disaster management training ka katsüba mapang jawan-temi kaketshirtem dang tesayuba balala agütsüdang tangokba noksa nung angur. Mokokchung, March 6, 2019.

Mokokchung, March 6 (TYO): Mokokchung Home Guards & Civil Defence (HG&CD)-i ayongzüka Government Middle School Senkalemba Arkong Mokokchung nung ‘disaster management’ indang training sentong ka ayongzüka katsüogo.
Iba training ya Mokokchung Home Guards & Civil Defence, District Commandant, Watilemba lenisüba kübok agi. Tanü practical mapa mesayudang GMS Senkalemba nung azünger kaketshir aser tesayurtem nem theory class mezüngbuba agütsü. Iba theory class nung Sub-Inspector & Platoon Commander (HG&CD), Maongkaba-i Cardiopulmonary Resuscitation (CPR), Foreign Body Airway Obstruction (FBAO), bleeding control & bandaging aser Emergency Medical Responder(EMR) indang tesayuba agütsü.
Kaketshir aser tesayur densema nisung noklang ana shii iba training nung shilem agia aden. Kaketshir rongnung telok pezü küma lemsar alima lendongtsüdong tapu balala adokdang kümzüka aser meteta alitsü atema teinyaktsü tasatem practical dena tangazükba balala sayua liasü.
Iba ama training ya mapang shia HG & CD ajanga ayongzüka akar aser parnokisa tejangrar school-tem nunga ibala training ya angati sayua arudar, maneni kasa training ka March 8 nüji school ka nung agütsütsü, ta Mokokchung HG & CD, District Commandant, Watilemba-i osangbenertem den jembidang lemsatep. Iba training ya angati dang agütsür asünung, tejangrartemi maongka agitsü akok, ta paisa ayongzüka shisem.