GMS Settsü Klass Takdang Tasen Mesemtetba

Abelen nungi S. Sari Pongen, Takomeren, Limatoshi, I. Sademmenla (tongti tesemdanger), I Wati Lkr aser J. Moa Jamir nungertem yangi noksa nung angur.

Dimapur, March 21 (TYO) : Government Middle School Settsü nung Klass takdang tasen, Koba SSA 2012-13 küm sanction süa tenzük ibaji renema, Wt. I Sademmenla, DEO, Mokokchung, tongti tesemdanger süa, March 19, 2016 nü mesemtetogo.

Ki mesemtetba sentong sülen, Wb. Takomeren, Head teacher-i menden süa sentong tatsüka agia liasü.

Iba sentong nung VEC. Chairman, Wb. I. Wati Lkr, Wb. S. Sari Pongen, Village Council Chairman, Wb. Limatoshi, Junior Engineer, SSA District Mission Authority, Mokokchung, parnokia mapang tatsütsü agia o jembia liasü.

Sentong nung Tongti Tesemdanger ajanga O jembidang, lai VEC aser Village Council nem iba ki ano sen ajak Department-i magütsüaka renemtetba atema tenüngsang agütsüa liasü.

Laisa Wb. Limatoshi-i shisemba ama iba ki ya SSA 2012-13 lemzükba nung tasembuba renemtetba lir ta nenshitsü. Tongti tesemdangeri tesayur tem dang klass takdang tasen nung ano tejangraba tasen agi talila meranga sayutsü ayongzüka liasü.