Goa Football Tournament nung NE lanur-i konang bener aru

Itanagar, April 26 (Agencies): Tezpur nung aliba Assam Valley School indang U-17 aser U-14 football team-i Goa Football Tournament kokogo. Iba asayamong ya International school Sports Association-i ayongzükba lir.
Iba asayamong nung ya India tesem balala nungi kaket reju 9-i shilem agi. Final ya Goa nung April 23 nung asaya aser Assam Valley School-i akok.
Iba kaket reju nung azünger Arunachal Pradesh nungi, Tenzing Ngorup-i U-17 indang ‘Best Player’ sempet angu, Tenzing ya U-17 football team nung captain lir aser iba asayamong nung match asem asayaba nung pai goal 8 agütsü.
Limanzuk Kichu nem-a Tenzing den külemi ‘Best Player’ sempet ya agütsü. U-14 team nung Param Nongmaitham aser Dhajen Basumatary-na nem ‘Best Player’ sempet agütsü.