Goalpara Police-i asür Hav Bahadur Shrestha’er kibong nem Rs 50,000 agütsür

Goalpara, October 23 (Agencies): Taküm bendanga agütsür Hav Padam Bahadur Shrestha’er kibong nem Rs 50,000 agütsütsü ta Goalpara police-i yashi metetdaktsü.
Indian Army nung 39 Gorkha regiment sepai Bahadur Shrestha ya Golaghat district kübok Barpathar tesem nungi liasü. October 19-20, 2019 aonung pa J&K kübok Kupwara district nung Pakistan sepaitemi khaset.
Goalpara police-i Assam nungi sepai nem tetushi agütsü aser par kibong nem sen agütsütsü osang metetdaktsü.
Asür Bahadur Shrestha indang mangji October 22 nü Dimapur Airport atong aser Golaghat district administration ketdangsertem, MLA Mrinal Saikia aser tanga lennirtem agizük.
Arishi küm 42 tain Shrestha-i 2001 küm Gorkha Regiment nung aden. Pai par tsüraburtem, kinungtsü Dhal Kumari Shrestha, jala ana aser jabaso ka toktsür asü.