GoC-in-C-i Spear Corps semdang

Kohima, Mongputeni (October) 26 (TYO): Eastern Command nung General Officer Commanding-in-Chief, Lieutenant General M M Naravane-i Spear Corps dak tenük asüngba metetdaktsü.
GoC-in-C-i anogo ananü atema Nagaland semdangi arua lir ta Hokolbarnü Defence otongdar Col. Chiranjeet Konwer-i ashi.
Eastern Command nung GoC-in-C mapa inyakba sülen Lieutenant General M M Naravane-i tang mezüng atema Nagaland semdanger, ta Col Konwer-isa ashi.
Dimapur nung Spear Corps semdangdang General Officer Commanding Spear Corps, Lt Gen Gopal R-i General Officer pela agizük.
General Naravane-i North east state tem nung aser China den Line of Actual Control indang security tensa osang metetpela aser Spear Corps-i mapa tajung inyakba atema tenüngsang agütsü, ta Col. Konwer-isa ashi.
Tanü anüngdang General Officer Kolkata-i apusoa ogo, ta paisa shisem.