GOC Spear Corps-i Nagaland semdang

Dimapur, March 26 (TYO) : AVSM, SM, VSM, General Officer Commanding Spear Corps, Lt Gen Anil Chauhan-i March 17 nungi 25, 2017 tashi Kohima Assam Rifles Garrison, Zakhama aser Chakabama military station tem semdangogo.
General Officer Commanding-i anogo ananü atema Kohima semdangdang, March 17, 2017 nü Nagaland Chief Minister, Dr. Shurhozelie Liezietsu den ajurutep.
Iba mapang tena tsüngda security dak sendakba onük aika lemsatepa liasü.
Security force temi Nagaland nung yimjung aser tesünep tensa alitsü atema mapa tajung inyakba atema Chief Minister, Dr. Shurhozelie-i pelaba metetdaktsü. Idangji General Officer Commanding-i pa dang security force temi tensa azüoka ayutsü atema maneni mapa inyaktsü ta ashi.
General Officer Commanding-i Kohima Assam Rifles Garrison, Zakhama aser Chakabama military station tem semdangdang, ketdangser aser sepaitem den ajurutepa sensaksem mapang agia liasü.