Godse ji nisung tepseter ka liasü, pa metushitsüla: RSS lenir Vaidya

Nagpur, November 15 (Agencies): Deobar nü RSS pusemer, MG Vaidya-i, Mahatma Gandhi tepsetsang Nathuram Godse ji konang bener arur ka masü ta ashiba den külemi Hindu Mahasabha, Hindu Sena aser Maharana Pratap Battalion-i Godse sür küm 66buba mungji ‘Shaurya Diwas’ ta bilemteta amungba atema pai aitsüogo.
Vaidya-i, Godse nem tetushi agütsüba aser Mahatma Gandhi tepsetsang nem akhüm agütsübaji anemer, ta ashi.
“Koba tentet’ar ni memetet. Ajisüaka Nathuram Godse tushiba aser akhüm agütsübaji ni anemer. Pa ya nisung tepseter ka. Godse-i inyakba ama nisung ka tepsetbaji tim masü,” ta Vaidya-i osangbenertem dang ashi.
“Ibaji inyakba ajanga (Gandhi tepsetba) parnoki Hindutva ajungmesogo ta nisung kari bilemer, ajisüaka ibaji tai. Atangji nungbo parnoki Hindutva mezüngmeshiogo. India nung kanga akhümtsübua aliba nisung, Gandhi tepsetbaji temenen ta ni bilemer,” ta paisa ashi.
Godse asüba anogo bilemtettsü asoshi Right wing tentettemi tanü Mumbai anasa Panvel nung ‘Shaurya Diwas’ ayongzüka among.
Iba sentong nung Sanatan Sanstha züngsemtema denogo.
Maharashtra nung kümshia November 15 nü Hindu Mahasabha-i Godse asüba anogo bilemteta amunger.
Linük tebudi, Gandhi tepsetba ken o nung aitsüba sülen 1949 küm November 15 nü Godse lisü agi alenseta südaktsü.