‘Godzilla II: King Of The Monsters’ May 30 nü sayatsü

Monupii/May 17, 2019 (Agencies): ‘Godzilla II: King Of The Monsters’, koba India nung May 31 nü sayatsü ta taoba mapang osang ajanga metetdakja liasü, iba film ya anogo ka jelia linük nung mezüng sayatsü ta jangjatsüogo. Iba sülen ang alima tesem balala theatre tem nung lemsa sayatsü.
‘Godzilla’ aser ‘Kong: Skull Island’ film box office nung takok anguba den atonga tang film tasenba ‘Godzilla II: King Of The Monsters’ yagi takok tajung angutsü imlar.
India nung film ya English, Hindi, Tamil aser Telugu oshi nung sayatsü, ta sangdong ka ajanga metetdaktsü.
Taoba küm ‘Aquaman’ film ajanga takok anguba sülen, koba alima theatre balala nung sayatsü aliba hopta ka jakdang India nung mezüng saya liasü, tang Warner Bros.-i anogo ka jelia India nung ‘Godzilla II: King of The Monsters’ sayatsü ternemba lir.
“India nung iba film reprangtsü fans-i yognyaba osang angazükba sülen film yanglurtemi iba film sayatsü anogo melenshitsü,” ta osang ajanga metetdaktsü.
Iba film nung Bobby Brown, Vera Farmiga, Sally Hawkins, Kyle Chandler, O’Shea Jackson Jr., Ken Watanabe aser Bradley Whitford nungeri tongti shilem agiba angutsü.
Warner Bros. Pictures aser Legendary Pictures na den Toho Co. Ltd longjema iba film sayatsü.