‘Godzilla vs. Kong’ nung Alexander Skarsgard anioktsü

Mongputeni/October 26 (Agencies): Taruba “Godzilla vs. Kong” film nung Millie Bobby Brown aser Brian Tyree Henry na den külemi tongti shilem agidaktsütsü atema actor Alexander Skarsgard anioktsü tejembidak lir, ta Variety ajanga metetdaktsü.
Adam Wingard lenisüba kübok yanglutsü aliba film nung actor Julian Dennison-i shilem agiba angutsü. Taküm küm sayaba “Deadpool 2” film nung Julian-i mutant ka shilem agiba ajaki jangjaa lir.
Tang tashi nung project dak sendakba osang tejangja mali saka film yanglurtemi tongtibang ‘classic monster’ ana Kong aser Godzilla na yimya balaka nung yanglutsü ternemba lir.
Film nung Skarsgard-i military unit nung lennir ka shilem agitsü imlar.
Nungtugu shiruru ana densema yangluba film ya cinematic universe indang movie pezübuba asütsü.
‘MonsterVerse’ indang installment mezüngbubaji 2014 küm “Godzilla” film asü; iba sülen 2017 küm “Kong: Skull Island” liasü aser alima ajunga nungi iba film ajanga million dollar 566 dak tema aazükogo.
Tang “Godzilla” den tatongtep “Godzilla: King of the Monsters” ta nüngja agütsüba film nung Kyle Chandler, Vera Farmiga aser Brown nunger shilem tagidak lir.
“Godzilla vs. Kong” film ya Monupii/May 22, 2020 nü sayatsü ternemba lir.
Taoba “True Blood” nung tongti shilem agisang Skarsgard ya taküm küm film aser TV nung mazüngi inyaka arudar. Movie tsütsü reprangdangra, tawa Skarsgard-i Netflix indang “Hold the Dark” aser “The Hummingbird Project” nung shilem agiba nguogo.
Comedy film “Flarsky” den “The Kill Team” film nung Skarsgard-i Charlize Theron aser Seth Rogen na den külemi shilem agitsü renemdar.
TV show tem nung Skarsgrad-i AMC limited series “The Little Drummer Girl” nung shilem agiba angutsü.
HBO indang “Big Little Lies” nung tongti shilem agiba atema taküm Skarsgard-i Emmy aser Golden Globe award agizüka liasü.