Gogoi-i cabinet ulushia minister 2 shimok

Guwahati, September 22 (Agencies): Mongolbar nü Assam Chief Minister, Tarun Gogoi-i par cabinet ulushia taoba mapang minister ana- Gautam Roy aser Siddeque Ahmed na shimokba ajanga minister 16 kümogo.
Tanü Raj Bhavan nung state Angh, P B Acharya-i minister ana nem tenangzükba agidaktsüogo. Iba sentong nung Chief Minister, par cabinet züngsemtem aser MLA aika dena liasü.
Tanü shimba minister anaprong ya Assam, Barak Valley nungi lir.
Gogoi tang agi asembenren chief minster inyakba mapang taküm Congress nungi kari pa anema noktakba ajanga taküm January nunga cabinet menden melenshia liasü aser tanga cabinet menden melenshir.
Katlicherra assembly constituency nungi Roy ya 2001 küm nungi Congress-i yimsüsüba shia minister inyakogo.
Siddeque ya Border Areas Development & Cooperation Minister inyaka liasü, ajisüaka pai sorkar anema apusor den adenba ajanga yaküm Gogoi-i pa minister menden nungi aludaktsü. Pa ya Karimganj (South) assembly constituency nungi lir.
Assam cabinet nung Chief minister densema minister menden timba agi 19 alitsü akok.
Züngsem 126 aliba state assembly nung tang Congress MLA 78 lir.