Gogoi-i linük nung ‘Smart Villages’ asoshi sen crore 5,00000 akhanger

Guwahati, August 05 (Agencies): Deobarnü Assam Chief Minister Tarun Gogoi-i Centre sorkar dang, ‘Smart Cities’ melena linük nung ‘Smart Village’ asoshi ang sen crore 5,00,000 lemzüktsütsüla, ta mepishiogo.
Gogoi-i, Ato kilonser Narendra Modi-i aniba sorkari ‘Smart Cities’ dang nungibo ‘Smart Villages’ benoka yimdak yimtsüngtem asoshi ang temulung agütsütsüla, ta sangdong ka ajanga ashi.
“Nibo Smart Villages asoshi ang temulung agütsüdaktsüner, koba ajanga yimtsüng nung alirtem yimtitemi moaka jila nung aliba nüngdaktem ngutettsü. Smart Villages benoka inyakra linük kanga tekaraba aintsü. Yimti-yimtsüng sentakteptsü asoshi iba ya lenmang tajungtiba lir,” ta Assam CM-i ashi.
Taoba Tir APJ Abdul Kalam-i ‘Providing Urban Amenities in Rural Areas’ (PURA) tangatetba benokbaji ‘mission mode’ nung inyaktsüla, ta paisa ashi.
“Taoba Tir Dr Kalam mangdang ataloktsü asoshi linük tesem ajunga nung Smart Villages asoshi Centre sorkari sen crore 500,000 lemzüktsütsüla,” ta ashi.
Gogoi-isa Centre dang Assam nung Smart Villages atema sen crore 25,000 lemzüktsütsüla, ta shiogo.