Gogoi-i National Herald ken o aitsür

Guwahati, December 19 (Agencies) : Congress lennirtem – Sonia Gandhi aser Rahul Gandhi na okadaki aotsüsa akümba National Herald ken o ji yimtenren tsütsü tetoktepba ajanga lir, ta Assam Chief Minister Tarun Gogoi-i ashi.

“Iba ya yimten tsütsü tetoktep aliba atema adokba onük ka dang lir. Companies Act nung shinga sen poisa ka dang mangutsü ta shia lir, süra kodaser sen tim mesüi amshiba onük adoker?” ta Gogoi-i osangbener dang ashi.

Gogoi-isa ED director Rajan S Katoch mapa belenshiba atema kuli meshi.

“Taoba mapang Enforcement Directorate-i ken o kecha mali ta ashi. Iba sülen sorkari melenshi. Kechiba parnoki melenshi?” ta Assam CM-isa ashi.