Gogoi-i sen crore 1000 alangba mapatong agizük

Guwahati, February 3 (Agencies) : Assam nung Congress-i sorkar kümsük pezübuba abentsü atema nüboyima chief minister Tarun Gogoi-i Bodbarnü sen crore 1000 alangba mapatong tulu trok inyaktsü osang sangoktsüogo.
Mapatong tulu trok ajanga direct jobs 20,000 aser indirect jobs lakh 1 adoktsü, ta chief minister office-i sangdong ka nung metetdaktsü.
Kanga dang temaba jenjang nung tentetba luden ka senden nung Gogoi-i item mapatong inyaktsü mulunga agizük aser iba senden nungsa mapatong ajak nem ‘mega status’ agütsütsü telemtetba agi.
“Mapatongtem tenzüktsü atema teinyaktsütem agizükogo. Item mapatong ajanga direct jobs meyirjang 20 aser indirect employment lakh ka jungnüa adoktsü” ta CMO-isa metetdaktsü.
Gogoi-isa chief secretary VK Pipersenia dang maneni tangari Assam nung arua shishilembatsü jangratsü atema aser ano mapatong talila benoktsü atema mapa temulung agüja mapa inyakang ta tetuyuba agütsü, ta CMO sangdong nungsa lir.