Golaghat ADC Chaliha-i aibelenba nangzük

Jorhat, November 14 (Agencies) : General Classes Development Council (GCDC) nem sorkari sen agütsüba timi mamshiba atema tai tonglokja Honibarnü Golaghat Additional deputy commissioner, Anjanabh Chaliha apu aser pai ozüng alema mapa inyakba nangzükogo.
GCDC chairman Prabhat Kalita den yaritepa pai sen crore 1 den tema tim mesüi amshi ta Chaliha-i police tsüngdang nangzük. Ajisüaka, Prabhat Kalita bo tang tashi police-i meputettsüsa atsükoka lir.
“Ochimashi mapa nung ADC-i shilem agiba onok bushitet. Pa dang asüngdangya adüdang, pai GCDC chairman Prabhat Kalita teyari ajanga tesüiba ita ishika tsüngda sen crore 1 dak tema agizükogo ta nangzük” ta Jorhat district superintendent of police (in charge), Gunendra Deka-i osangbener dang ashi.
“Tai tonglokja alir ka- Prabhat Kalita ji jenshia senzüdar aser onoki maneni bushisüngdang südar” ta Deka-isa shisem.
Chaliha-i Golaghat nung ADC mpa lemzükja lia, Jorhat ADC ta ser Rs 22 lakh cheque tem agütsüba atema Deputy commissioner, Virendra Mittal-i pa anema ken o ka benok. Iba nung ajemdaker Honibarnü Jorhat police-i Golaghat circuit house nung Chaliha apu.
Chaliha ya tang Jorhat Sadar police station nung puoka lir.