Golaghat, Titabar & Mariani majangtettsü

Mkg. Oct.17 (TYO): Assam nung Durga Puja benjong amongba mapang October 20 nungi 24, 2014 tashi anüngdang anjungmeshi 12:00 ako sülen nungi nübortem amenba bus aser sumo gari kata Golaghat, Titabar aser Mariani ajanga senzütsü memelatsü, ta Jorhat aser Golaghat district administration ajanga metetdaktsüogo.
October 20 nungi 24 tashi anogo shia anjungmeshi sülenbo ayaterem tashi item yimti yimdongtemji gari kata ajanga süitsü memelatsü, anungji aonung jajaba garitema ayaterem sülen dang otettsü, ta kasa sangdong ajanga metetdaktsüogo.