Good Friday nü ISIS-i India nunger Catholic putir ka Kangki nung meta

New York, March 28 (Agencies): Taküm March ita nung kiralongrar telok, Islamic State (IS)-i India nunger Putir ka tenüng agi, Thomas Uzhunnalil pua liasü aser Good Friday nü (March 25) Yemen nung parnoki pa Kangki nung metaogo, ta Washington Times osangkaket ajanga metetdaktsü.
Catholic Putir Thomas ji Mother Teresa’er Missionaries of Charity nung inyaka liasü, aser tan ita tetenzüklen Yemen nung IS kiralongrartemi tantsür-tambur anepaluba ki ka (old age home) mita aoba mapang pa apu.
Kasa osang ajanga ashiba agi, Roman sepaitemi Yisu Khrista Kangki nung metaba kasa yimya nung IS teloki Putir, Thomas jia Kangki nung meta.
ISIS teloki Yemen nung Thomas apuba osangji tamalen India sorkari jangjatsüogo, aser pa chioktsü atema sorkari mapa teinyakdak liasü.
Tamalen External Affairs Minister, Sushma Swaraj-i twitter ajanga, “Kerala nungi India senso- Father Tom Uzhunnallil ji Yemen nung kiralongrar teloki puogo. Pa chioktsü atema onoki meranga inyakdar,” ta sangdonga liasü.