Google ajanga Olympic Games nung ajangzüktsü

New Delhi, August 2 (Agenceis) : Mongulbarnü Google-i inyakyim tasen kar sayaba ajanga Olympic meimer India nunger tali jangradaktsütsü. Item features yagi asenoki metetnüba nüngtugu asayar aser saisapong ozüngtem jangja metetba nung yaritsü.
Google nung asenoki “Olympics” ta ajenoker bushidang ano tali telungi ia bushitsü atema Search page mesüra nü Google app azüklen search option ka angutsü aser ibaji ajanga nai metetnüba linük indang asaya osang metettsü.
Iba ya ajanga linük shiai medal anguba osang dena jangjatsü, ta company sangdong ka ajanga metetdaktsü.
Google Map nung ‘Street View’ ajanga pei-i reprangnüba asayartemi otsü tasen yangluba aser Brazil tobur ajungba angutsü.
Ano Iba asayamung reprangdangnera linük 60 dak tema nung YouTube video ajanga reprangtettsü.